DANBU PHONDOHNA. PREAMBLE:
Pathen tahsan’a kiloikhom Pakai Jesus Christa thisan jalla India gamsunga ECA umhon:
1. I Pakai leh eihuhhing pau Jesu Christa kipana Thupha, seiphong,
2. Atahsanho semphat, suhhal chule pilhinsah,
3. Pathen houna lamdola mi soldoh sonna migentheiho, Kithopia Jesus Christa leiset’na atoh ban toh jom ding chule,
4. Lhagao huhhingna leh khantou theina dinga thepjilnaho tup le doi neiyin lung kithakhat tahin Evangelical Churches Association(ECA) kivaipohna dan kasem tauve.
5. E.C.A. VISION STATEMENT:
E.C.A. Houbung hi:
• Pathen lhagao theng pui jing,
• Kipana thupha seiphong jing,
• Thilpha boljing Houbung.
 
STATEMENT OF FAITH:
1. BIBLE: Bible pumpi Genesis a pat Thuphondoh chan bu 66 hi a bu chang cheh a Pathenin ahaikhum kikheltheilou, hi a Pathen Lhagao Thengin masanglaija mithengho ana peh-u ahi ti katahsan uve. Chuti ahijeh chun tahsanna natohna dinga thunei sangpen ahi.
2. PATHEN A MITHUM: Pathen khatseh tonsot’a mithum, Pa Pathen, Chapa Pathen, chule Lhagao Theng Pathen katahsan uve.
3. JESU CHRISTA: Jesu Christa hi Pathen chapa tahbeh mong ahin, nungah theng sunga Lhagao Thenga kon hung kijil(avopna) chonsetna him him neilou leh thil kidang abol ho leh chonset lhatna a thi a, atahsanho huhhingna dinga thingpel chunga mihem chonset nenpen soptheng dingin athisan aso’in, them ichanna dingun mithilah a konin kaithouvin van ah akaltouvin, Pathen jetlam ah touvin eiho dingin eitao pehun, loupi tahin choisangin aumin, loupitah in thutan a mithi leh mihing thutana hungkit ding katahsan uve.
4. LHAGAO THENG: Lhagao Theng hi tonsot hinna chantheina dinga natong, Pathen le achapa a kipan’a hung ahi tileh, Pathen thum a, penthah bulpi leh lhamon sahpa, misu thengpa atahsanho lungsunga chenga puihoi Pa lhagao Theng Pathen ahi ti katahsan uve.
5. MIHEM PATHEN LIM BANGA SEM: Mihem hi Pathenin ama lim banga asem ahin, chonsetna alhahlut tahjehin lhagao leh tahsa thina a Pathen toh kikhenna ahi tan chuleh hiche chonsetna a chu mijouse chonse ahitai ti ka tahsan uve.
6. SOCHATNA HUHHINGNA: Mihem asochatna dinga chonset kisih a Jesu Christ tahsan vanga lhagao penthahna chu tonsot’a henna ahi ti katahsan uve.
7. THOKITNA: Michonpha leh michonse chu tahsan thoukit ngeiding, michonpha chu(a tahsan chu) them changin thoukit intin atahsanlouho se chu themmo changing thou kit dingu ahi ti katahsan uve.
8. ATAHSANHO MOPOHNA: Jesu Christa kipana thupha hi hettohsah le aphong dohho hichet dingin Christa Jesu a jouse hiche mopohna eiki peuve ti ka tahsan uve.
9. JESU CHRISTA PHUDOH SACRAMENT: Baptisma leh Pakai anjon ahi. Baptisma hi chonsetna kisih a Christa chu ama huhhingpa ngeija ana kipom teho bou chang dingu chuleh Pakai anjon hi baptisma chang tasa hobou chun hiche ankong a umdiu ahitai ti ka tahsan uve.
10. CHONDAN THU LE LHAGAO THILPEH: “ Pakai jal’a mihem phudoh chondan thua nunding” ti le “Vaihom themtah jonghi Lhagao thilpeh ahi” ti jong hi ka tahsan uve.